اردو شاعری

Chahat dase se aane wale

prince78601 — Tue, 07 Jul 2009 08:49:28 +0000

Chahat dase se aane wale ye to bata ke sanam kaisay hain
Dil walon ki kia halat hai pyar kay mausam kaise hain

Kia ab bhi koi baton baton mein rota hai hans deta hai
Us rah ki khushiyan kaisi hain un galiyon ke gham kaise hain

Kia us ne hamara naam liya kya us ne humein kabhi yaad kiya
Kia us ne kabhi tujh se pocha kis haal mein hain hum kaise hain

Jugno shabnam taare ban ker mere aanso dhond rahe hain
Aane walay tu hi bata de meray humdum kaise hain

prince78601 — Mon, 06 Jul 2009 12:38:43 +0000

Ishq ki batein khwab ki batein lagti hain
Ab sub ratein sooni ratein lagti hain

Paas gaye tu wo aanso ki larriyan then
Door se taron ki baratein lagti hain

Pyar, Muhabbat, Ishq, Khulos-o-mehr-o-wafa
Dil tujh per bhi kitni ghatein lagti hain

Aik zara sa dagh-e-dil dhone ke liye
Ashqon ki kitni barsatein lagti hain

prince78601 — Mon, 06 Jul 2009 12:34:50 +0000

Ye jo zindagi ki kitab hai
Ye kitab bhi kya kitab hai

Kahin ik hasen sa khwab hai
Kahin jaan lewa azab hai

Kahin chaon hai kahin dhoop hai
Kahin aur bhi koi rop hai

Kai chehre is mein chupe hue
Ik ajeb si ye naqab hai

Kahin kho diya kahin pa liya
Kahin ro liya kahin ga liya

Kahin chen leti hai her khushi
Kahin meharban be hisab hai

Kahin aansoOn ki hai dastan
Kahin muskurahaton ka bayan

Kahin barkaton ki hain barishein
Kahin tishnagi be hisab hai

prince78601 — Mon, 06 Jul 2009 12:26:53 +0000

Chandni jab tere angan me utarti hogi
tujhko bechain meri yaad bhi karti hogi

sab gile bhol k tajded-e-wafa ki khawahish
aik pal ko tere dil me ubharti hogi

hamko bichre hue ek umar hui hai lekin
uski ankho me nammi ab bhi utarti hogi

sham dhaltau hi koi yaad jab ata hoga
fir teri raat bhi ankho me guzarti hogi

prince78601 — Mon, 06 Jul 2009 11:57:37 +0000

NIBHA SAKO TU KARO PYAR WARNA MAT KARNA
BICHAR KAR TUM KABHI HUM KO UDAS MAT KARNA

ABHI BHI WAQT HAI CHAHO TU TUM SANBHAL JAO
KARO NA FIKR MERI AGE TUM NIKAL JAO

FESLA JO HO TUMHARA KARNE ME DER MAT KARMA
BICHAR KAR TUM KABHI HUM KO UDAS MAT KARNA

TUMHARE PIYAR ME AAJ JO MERI HALAT HAI
HAR IK LAMAHA LAGE K QIYAMAT HAI

MERA JO HAAL HAI APNA WO HAAL MAT KARNA
BICHAR KAR TUM KABHI HUM KO UDAS MAT KARNA

prince78601 — Mon, 06 Jul 2009 11:54:07 +0000

Tumhein jab kabhi milay fursatain, mere dil se bojh utaar do.
Main bohat dinon se udas hoon, mujhay aik sham udhar do.

Mujhe apne roop ki dhoop do, ke chamak sakain mere khal o khad.
Mujhe apne rang main rang doo, mere saray rang utar do.

Kisi or ko meray haal se na gharaz koi hai na wasta.
Main bikhar gya hon samait lo, main bigar gaya hon sanwar do.

Meri wehshaton ko baraha diya hai judayion k azab ne.
Mere dil pe haath rakh zara, meri dharkanon ko qarar do.